الانطباع الاول هيكون عادة عن المسلسلات الاون لاين حالياً بس بما انها اول نوت فهتكون عن 2015 بشكل عام وسريع كده ^^
همممممم مقدماً.. 2015 لحد دلوقتي من افضل سنوات الدراما الكورية.. فيها اكتر من مسلسل ميتنسيش.. واكتر من فكرة غريبة او نوعاً ما جديدة على الدراما الكورية .. والاغرب بقى ان الفكرة بيستخدموها باكتر من طريقة !!
ازاي!
لو قلنا مثلاً دراما عن انفصام الشخصية .. في آواخر 2014 جتلنا دراما
It's Ok, This Is Love
واللي دخلت ليستة افضل المسلسلات على الاطلااق ... برغم انها 2014 بس هقول كلمتين تلاته عنها
بسيطة واقعية رومانسية كوميدية ممثلين عبقريين واحداث لذيذة.. او بكلمة واحدة "داااااااااااااافئة" ...
المهم.. المسلسل ده زي اشارة نور كده للـ SBS والـ MBC بسبب التعليقات الايجابية "جداً" اللي كانت عليه واللي مكانتش متوقعة لان التقديرات -اللي المفروض محدش ياخد بيها ابداً- كانت "جيدة" مش "ممتازة"!
والاشارة كانت بتقول للقناة الـ SBS انها تكمل في نفس النوع من الدرامات.. وان الدراما النفسية مبتسدش النفس ولا حاجة خالص والله :D
فعملت دراما جديدة 2015 ورمت حملها كله على Hyun-Bin اللي اخد دور البطولة بعد فترة طويلة مشفناش ليه دراما ..
وطلعت Hyde Jekyll, Me
للاسف الشديد مش هقول فيها اشعار برغم انها من نوعي المفضل "نفسية رومانسية" وكمان من بطولة اتنين بحبهم (Hyun-Bin- Han Ji-Min)!
القصة نفسها معنديش اعتراض عليها.. اعتراضي على بطئها.. الاحداث بطيئة شويتين.. بس في المجمل الدراما مش وحشة .. يعني اكيد استمتعت بيها "احياناً".. بس مسبتش اثر كبير على عكس ما كنت متوقعة!
ويمكن فيها سبب تاني خلاها متسيبش اثر كبير.. وهو الدراما اللي كانت بتتعرض في نفس الوقت تقريباً ونفس الفكر الرئيسية (انفصام في الشخصية).. الا انها الى حد كبير "اكلت الجو" !!
كان مسلسل Kill Me, Heal Me
والـ MBC كان ليها حظ اوفرالمرة دي.. المسلسل كانت احداثه مستمرة بشكل غريب.. مرتبطة بحجات كتير من الماضي اللي كل ما تفتكر انك خلاص كده فهمت تتطلع ولا فاهم اي حاجة خالص فتتفرج باهتمام اكبر عشان تفهم تاني!!
وكل ده كوم.. والكوميديا اللي في المسلسل ده كم تاني خااااااااالص ...
كل حاجة في المسلسل ده خدمته.. القصة تحفة تكيبة كده انسانية عائلية نفسية كوميدية رومانسية عبقرية!... احداث بالرتم السريع .. الكوميديا .. الرومانسية بقولها تاني وتحتيها عشرين خط... الممثلين.. مش بس عشان تمثيلهم حلو -طبعاً- .. لكن عشان الابطال هما نفس ابطال مسلسل secret او Secret Love
فالابطال Hwang Jung-Eum وJi Sung كـ couple ليها اصلاُ شعبيه كبيرة -يستحقوها- من المسلسل اللي فات..
ومش هتكلم عنه ناو اكيد هيبقى في نوت تاني عشانه :3
اما بقى لو اتكلمنا عن انواع درامات تانية غير "النفسية".. فهنلاقي مثلاً المدرسية زي (angry mom- orange marmalde- who are you school 2015)
ولو هتكلم عن الانطباع الاولي للتلاته فهما "تحفة" !! بس حالياً اللي خلصان منهم هوا angry mom
مسلسل جميل.. هادف وفيه كل حاجة من اي حاجة..والحوار بتاعه تحفة.. فيه مليون اقتباس نفسي اعمله منه ..مليون مقولة حلوة .. القصة جميلة جداً برغم ان اول حلقة ممكن متشدش اي حد.. بس بعد كده مش هتوقف فرجة عليه.. وبرغم انه مدرسي بس مقدرش اقول عليه "عائلي" .. يعني مش كل الاسرة تقدر تتفرج عليه .. يمكن لان على اد ما فيه حاجات توقع من الضحك كواته كتير من الابطال الصغننين..على اد ما فيه حاجات كتير صعبة ..الاحداث نفسها فيها موت وفساد واعتداءات و و و ...
ونفس الكلام ينطبق على Orange Marmalade
مينفعش للاطفال ابداً او حتى الناس اللي اد الابطال نفسهم!!... بس ده نوعا ما متوقع شوية لانه عبارة عن قصة عن مصاصي الدماء..
والقصة اغرب مما هتتخيل.. الويب تون جميلة جداً كنت طايرة فيها وعلى عكس ما توقعت حبيت المسلسل اكتر!! برغم انه منزلش منه غير 4 حلقات لحد دلوقتي.. هو بيرفكت جداً.. يمكن اوفر رومانسية شويتين بس .. بس التركيبة حلوة.. الفكرة الخلفية للمسلسل هي عن العنصرية برغم انه مسلسل مصاصي دماء!.. وده اللي مخليه مختلف..
حباه جداً ومتوقعة اني هحبه اكتر واكتر .. والحاجة الوحيدة الوحشة فيه انه بينزل كل اسبوع حلقة واحدة بس!! وانا هتجنن هنا مستنياه :(
زي ما مستنية who are you school 2015 الحلقة ال13!!
بس المسلسل ده بالذات انا مستنياه من قبل ما يبدأ!!..
حباً في Kim So-Hyun !!
البنوته الحلوة اللي واقفة في النص دي... اول مرة دور بطلة ليها.. فرحانة جداً بيها انها كبرت وشايلة مسلسل !
شوفتلها ليستة كلها جلوة .. Rooftop Prince -Ma Boy-I Can Hear Your Voice- و I Miss You
مفيش دور عملته وحش.. خاصة في I Miss You .. هتاكل قلوبنا فيه اكل..
وبرغم اني بادئة المسلسل عشانها الا ان المسلسل فعلاً يستاهل.. حلو سسبينس مش هادي ابداً .. ومع ذلك مفيهوش اي حاجة اوفر او حاجة تخليني اقول عليه مش عائلي.. لا عائلي خالص جداً يعني.. ومعظم سلسلة "school" كده..
واه قبل ماانسى
مش كيم سو هيون بس اللي فرحانه بيها السنة دي!!.. كمان يو جين جوو "Yeo Jin-Goo" واللي هوا بطل دراما Orange marmalade حالياً واللي متبعاه من ايام دراما Princess Ja-Myung واكيد مسلسل I Miss You مع الجميلة كيم سو هيون..
الاتنين مش هنسى دورهم في دراما "اشتقت لك" .. والاتنين كبروا وشالوا دراما لوحديهم.. وكنت بصراجة متوقعه الاقيه هوا الفامبير لما سمعت ان "مربى البرتقال" بتتكلم عن مصاصي الدماء.. بس بصراحة الدراما دي بالذات مفيش حاجة توقعتهالها صح!!
دايما ً احلى مما انا عايزاها.. يارب بس تفضل على نفس الريت ده..
وبالمناسبة في دراما تانية عن مصاصي الدماء اسمها Blood
والحمد لله اتذاعت كلها مش بشد في شعري مستنية الحلقة الجديدة منها.. وبرضه البطل Ahn Jae-Hyeon بتاعها اول بطوله مطلقة له!
"جاي هيون" مشتغلش غير 3 درامات بس آخرهم blood.. اول مرة اشوفه كان في my love from another star ودوره كان صغير بس كيوت جداً ولايق عليه اوي يمكن عشان شكله الصغير وطالع في ثانوي في الموضوع كان سهل!..
وبعدها you are all surrounded كان ظابط شرطة بس الدور اكبر شويتين وعمله حلو خالص وفعلا تقدم بسرعة غريبة..
وفي 3 دراما علطول اخد البطولة -اللهم لا حسد- الدراما حلوة جداً .. الممثلين كلهم ابدعوا .. وبرغم انه كان اقلهم خبرة وجودة في التمثيل الا انه مأزعجنيش الحمد لله وعدت بنجاح ..
هو عسول .. بس الدراما ملفوفة حواليه يعني بيظهر في معظم المشاهد.. وكونه عسول مش كفاية حضرتك.. الاهم تمثيله.. ومع مضي الحلقات تمثيله بيتحسن! زي ما يكون بيفهم شويه في شويه ان الدراما على كتافه فبيبان مجهوده اكتر..
على اي حال Ku Hye-Sun كانت مسعداه في المسلسل بما فيه الكفاية.. ومش حسيت انها اكبر منه خالص!
والاهم بقى.. اللي انا شيفاه احسن واحد في المسلسل كله .. هوJi Jin-Hee.. "جين هي" عرف يخليني اكرهه جداً مع اني كنت بحبه اوي من مسلسل take care of us captin.. اللي مثله مع كوهي سون -بطلة blood- سبحان الله على الصدف :3 ..
هوا ليه كل حاجة مترابطة كده! :D
بس عشان محدش ياخد كلامي غلط .. انا بحب اهن جاي هيون على فكرة :D .. والمسلسل حلو اوي .. من المسلسلات القليلة اللي مامتي حبتها مع انها مبتعزش الكوري اوي يعني!.. بس 2015 ليها تأثيرها.. هتخلي اللي مبيحبش هيحب .. اينعممممم
ولسه مخلصتش السنة .. ولا خلص كلامي عن المسلسلات اللي اتعرضت الريدي او اللي لسه بتتعرض.. عايزة اتكلم عن "المنتجون- دافيء ومريح- نادي الحبيبات السابقات-تألق او افقد عقلك - وقعت في الحب مع سون- فرقة البحث عن المفقودين- وهلير وما ادراك ما هيلر!! -...." واكتر من كده دول اللي في بالي حالياً..
بس هكمل في نوت تاني بقى..
لسه الانطباعات كتيييييير والمسلسلات اكتر وكلامي مش بيخلص لا هيخلص انا عارفة :D
اللي مش اعرفه .. هو ان كان الانطباع ده هيدوم ولا لا!
ليست هناك تعليقات:
إرسال تعليق